မိန်းကလေးများမှ ယောက်ကျားလေးကို အုပ်စုဖွဲ့ အဓမ္မပြုကျင့်

ဇင် ​ဘာ​ဘွေ​နိုင်ငံ​တွင်​ ​အ​မျိုး​သ​မီး​များ​က​ ​အ​မျိုး​သား​များ​ကို​ အုပ်​စု​ဖွဲ့​ ​မု​ဒိမ်း​ကျင့်​သည့်​ ​ကိ​စ္စ​များ​ကြောင့်​ ​ရဲ​တပ်​ဖွဲ့​မှာ​ ​ခေါင်း​ခြောက်​နေ​ကြောင်း​ ​သိ​ရ​သည်​။ ​လွန်​ခဲ့​သော​ ​၁၁​ ​လ​အ​တွင်း​ ​အ​မျိုး​သား​ ​၆​ ဦး​မှာ​ ​အ​မျိုး​သ​မီး​များ​က​ ​အုပ်​စု​လိုက်​ ​မု​ဒိမ်း​ကျင့်​မှု​ ​ခံ​ခဲ့​ရ​သည်​။

ရဲ​ဌာ​န​က​ ​ထို​ကိ​စ္စ​အ​တွက်​ ​ရှက်​ပြီး​ ​ရဲ​မ​တိုင်​သော​ ​အ​မျိုး​သား​များ​လည်း​ ​ရှိ​နိုင်​ကြောင်း​ ​သုံး​သပ်​ပြော​ကြား​ခဲ့​သည်။ ​အ​သက်​ ​၂၆​ ​နှစ်​ရှိ​ ​ရဲ​သား​တစ်ဦး​သည်​ ​ဘူ​လာ​ဝါ​ယို​တွင်​ ​တာ​ဝန်​ထမ်း​ဆောင်​နေ​စဉ်​ ​အ​သေး​စား​ ​မီ​နီ​ဘတ်စ်​တစ်​စင်း​က​ ​အ​ကူ​အ​ညီ​တောင်း​သ​ဖြင့်​ ​သွား​ရောက်​ခဲ့​ရာ​ ​ကား​ထဲ​ရှိ​ ​အ​မျိုး​သ​မီး​ ​၃​ ဦး​က​ ၎င်း​အား​ ​ဝိုင်း​ချုပ်​ခဲ့​ကြ​သည်​။ ​ယင်း​သည်​ ​ရုန်း​ကန်​ရန်​ ​ကြိုး​စား​သော်​လည်း​ ​မျက်​နှာ​ကို​ ​မေ့​ဆေး​ဖြင့်​ ​အုပ်​ခံ​ရ​ပြီး​နောက်​ သ​တိ​လစ်​သွား​ကြောင်း​ ​ရဲ​တပ်​ဖွဲ့​ ​အ​ကြီး​အ​ကဲ​ ဩ​ဂက်​စ​တင်း​ချီ​ဟွာ​က​ဆို​သည်​။ ​ထို့​နောက်​ ​ထို​ရဲ​သား​ ​သ​တိ​ပြန်​ရ​လာ​ချိန်​တွင်​ ၎င်း​သည်​ ​မြို့​ပြင်​တော​အုပ်​ထဲ​ ​ရောက်​နေ​ပြီး​ ​အ​မျိုး​သ​မီး​ ​၃​ ဦး​က​ ​ယင်း​ကို​ ​လိင်​ဆိုင်​ရာ​ ​စော်​ကား​ပြု​မူ​နေ​သည်​ကို​ ​သ​တိ​ပြု​မိ​ခဲ့​သည်​။ ​ထို့​နောက်​ ​စိတ်​ကျေ​နပ်​သွား​သော​ ​အ​မျိုး​သ​မီး​များ​သည်​ ​ရဲ​သား​တွင်​ ​ပါ​လာ​သော​ ​ငွေ​ကြေး​အ​နည်းငယ်​နှင့်​ ​မို​ဘိုင်း​ဖုန်း​တို့​ကို​ ​ရ​ယူ​ကာ​ ၎င်း​အား​ ​မြို့​ပြင်​တွင်​ ​ထား​ခဲ့​ပြီး​ ​ထွက်​ပြေး​သွား​ကြောင်း​ ​ချီ​ဟွာ​က​ ​ပြော​ကြား​ခဲ့​သည်​။ ​ထို​သို့​သော​ ​လုပ်​ဆောင်​ချက်​နှင့်​ ​ပ​တ်​သက်​ပြီး​ ​အ​ကြောင်း​ရင်း​ကို​ ​မ​သိ​ရ​ဟု​ ​ချီ​ဟွာ​က​ဆို​သည်​။

ဇင် ​ဘာ​ဘွေ​ ဥ​ပ​ဒေ​အ​ရ​ ​မု​ဒိမ်း​မှု​သည်​ ​အ​မျိုး​သ​မီး​များ​ ​ပြု​ကျင့်​ခံ​ရ​မှ​သာ​ ​အ​ကျုံး​ဝင်​ပြီး​ ​အ​မျိုး​သား​များ​အ​တွက်​ ​သတ်​မှတ်​မ​ထား​ချေ​။ ပြီး​ခဲ့​သည့်​လ​က​လည်း​ ​အ​မျိုး​သ​မီး​ ​နှစ်ဦး​သည်​ ​အ​သက်​ ​၄၄​ ​နှစ်​အ​ရွယ်​ ​အ​မျိုး​သား​ ​တစ်ဦး​အား​ ၎င်း​တို့​နှင့်​ ​လိင်​ဆက်​ဆံ​ရန်​ ​အ​တင်း​ခိုင်း​စေ​ခဲ့​သည်​။ ​ထို​စ​ဉ်​က​ ​ယင်း​အ​မျိုး​သား​သည်​ ​အိပ်​ယာ​တစ်​ခု​ကို​ ​ဝယ်​လာ​ပြီး​ ​ကာ​ရိုး​အ​နောက်​ပိုင်း​ရှိ​ ​နေ​အိမ်​သို့​ ​သယ်​သွား​ချိန်​တွင်​ ​အ​မျိုး​သ​မီး​များ​က​ ​ယ​ခု​လို​ ​ခိုင်း​စေ​ခဲ့​ခြင်း​ဖြစ်​သည်​။

ယ​မန်​နှစ်​ ​နို​ဝင်​ဘာ​လ​က​လည်း​ ​အ​မျိုး​သ​မီး​ ​၂​ ဦး​သည်​ ​အ​သက်​ ​၁၈​ ​နှစ်​အ​ရွယ်​ ​ချာတိတ်​တစ်ဦး​ကို​ ​ဟာ​ရာ​ရာ​ရှိ​ ​ရို​မန်​ကက်​သ​လစ်​ ​ဘု​ရား​ကျောင်း​အ​တွင်း​ ​သော့​ခတ်​ပိတ်​ကာ​ ​မု​ဒိမ်း​ကျင့်​ခဲ့​ကြ​သည်​။ ယ​ခု​ကဲ့​သို့​ ​ရဲ​သား​တစ်ဦး​အား​ ​မီ​နီ​ဘတ်စ်​ပေါ်​ ​လိုက်​လာ​သည့်​ ​အ​မျိုး​သ​မီး​များ​က​ ​မု​ဒိမ်း​ကျင့်​ခဲ့​ကြောင်း​ ​သ​တင်း​ထွက်​ပေါ်​လာ​ပြီး​နောက်​ ​ပြည်​တွင်း​သ​တင်း​စာ​တစ်​စောင်​က​ ​လမ်း​ပေါ်​မောင်း​လာ​သည့်​ ​မီ​နီ​ဘတ်စ်​ကို​ ​အ​လု​အ​ယက်​ ​ဝိုင်း​တား​နေ​သည့်​ ​အ​မျိုး​သား​ ​အ​မြောက်​အ​မြား​ပုံ​ကို​ ​ကာ​တွန်း​ရေး​ဆွဲ​ ​သ​ရော်​ခဲ့​ကြောင်း​ ​သိ​ရ​သည်​။      

ရန်ကုန်အစိုးရ သတင်းစာရှင်းလင်းပွဲ ရုပ်သံရိုက်ခွင့်ပိတ်

ချင်းမိုင် (မဇ္ဈိမ) ။    ။ ပြည်ပသတင်းဌာနတခုတွင်  သတင်းထုတ်လွှင့်ချက်တွင် ပါသွားပြီးနောက် ရန်ကုန်တိုင်းဒေသကြီးအစိုးရက ဒုတိယအပတ်စဉ် သတင်းစာရှင်းလင်းပွဲ၌ ရုပ်မြင်သံကြားရိုက်ကူးခွင့် ပိတ်ပင်လိုက်သည်။
ပြည်လမ်းမပေါ်ရှိ တိုင်းဒေသကြီးလွှတ်တော်ရုံး တွင် အင်္ဂါနေ့ညနေ ၅ နာရီက ပြုလုပ်သော သတင်းစာ ရှင်းလင်းပွဲတွင် နိုင်ငံပိုင် ရုပ်မြင် သံကြား MRTV4 က ရိုက်ကူးရန်ဟန်ပြင် စဉ် တိုင်းဒေသကြီးအစိုးရ အတွင်းရေးမှူး ဦးခင်မောင်ထွန်းက တားမြစ်လိုက်သည်။

“ကျေးဇူးပြုပြီးကျနော်တို့ဗီဒီယိုရိုက်ကူးခြင်းကို တော့ မေတ္တာရပ်ခံထားပါတယ်။ ဓာတ်ပုံ သတင်း အနေနဲ့ပဲ ရိုက်လို့ရပါတယ်” ဟု ဦးခင်မောင်ထွန်းက ဟန့်တားလိုက်သည်။
မေလ ၁ဝ ရက်နေ့က ပထမဆုံးပြုလုပ်သော သတင်းစာ ရှင်းလင်းပွဲအကြောင်း ပြည်ပရုပ်သံလိုင်းတခုတွင် ပါသွားသည့်သတင်းကြောင့် တားမြစ်ကြောင်း ရန်ကုန်တိုင်းအုပ်ချုပ်ရေးမှူးရုံး တာဝန်ရှိသူတဦးက ပြောသည်။

နော်ဝေးအခြေစိုက် ဒီမိုကရက်တစ်မြန်မာ့အသံ (ဒီဗီဘီ) တွင် ထုတ်လွှင့်သွားခဲ့ခြင်းကိုရည်ညွှန်းခြင်းဖြစ် သည်ဟု သူက ထပ်ပြောသည်။

ဝန်ကြီးဌာန ၆ ခုကိုကိုင်သော ဝန်ကြီး ဗိုလ်မှူးကြီးဟောင်း ဦးဉာဏ်ထွန်းဦးနှင့် ရန်ကုန်တိုင်းဒေသကြီးအစိုးရ အဖွဲ့ အတွင်းရေးမှူး ဦးခင်မောင်ထွန်းတို့ ၂ ဦး မီဒီယာများနှင့် အပတ်စဉ်တွေ့ဆုံသွားမည်ဟု ပြီးခဲ့သည့် မေလ ၁ဝ ရက်နေ့က ပြောခဲ့သော်လည်း လာမည့်အပတ်တွင် နားမည်ဖြစ်ကြောင်း၊ ပြုလုပ်မည့်ရက်ကို ထပ်မံ အကြောင်းကြားမည်ဖြစ်ကြောင်း ဦးခင်မောင်ထွန်းက ယနေ့သတင်းစာ ရှင်းလင်းပွဲတွင် ပြောသည်။

ထို့ပြင် သတင်းစာရှင်းလင်းပွဲသို့ တက်ရောက်ရာတွင် အဝတ်အစားဝတ်ဆင်မှုအပေါ် အစိုးရအဖွဲ့က စည်းကမ်းချမှတ်လိုက်သည်။

“ ဝတ်စားဆင်ယင်မှုကို မေတ္တာရပ်ခံပါတယ်၊ကျွန်တော်တို့က အခမ်းအနားကြီးတခု မဟုတ်သော်လည်း ကျွန်တော်တို့ဒီမှာ ဆောင်ရွက်နေကြတဲ့ နေရာအနေအထားအရ သင့်တင့်လျောက်ပတ်တဲ့ဝတ်စားဆင်ယင်မှု ကို ဝတ်ဆင်ပေးကြဖို့ သတင်းစာဂျာနယ်များကို မေတ္တာရပ်ခံပါတယ်” ဟု ဦးခင်မောင်ထွန်းက ပြောသည်။

သို့သော် မည်သို့ဝတ်ဆင်ရမည်ကို အသေးစိတ်မှာကြားမသွားပါ။ ပါလီမန်ခေတ်လွှတ်တော်အစည်းအဝေး များတွင် သတင်းထောက်များ အပေါ်အင်္ကျီတိုက်ပုံဝတ်ရပြီး ၁၉၃၈ က နန်းရင်းဝန်ဒေါက်တာဘမော်၏ သတင်းစာရှင်းလင်းပွဲကို သူရိယသတင်းထောက် ဘောင်းဘီတို အင်္ကျီလက်ပြတ်နှင့်တက်၍ ပြည်ထဲရေး ဝန်ကြီးချုပ် ဆာပေါ်ထွန်းက လွှတ်တော်တွင် ကန့်ကွက်ခဲ့ဘူးသည်။

သံတွဲတွင် နိုင်ငံတော်ဘာသာနေ့ အခမ်းအနား လုံခြုံရေးတင်းကြပ်စွာဖြင့် ကျင်းပ

ရခိုင်ပြည်နယ်၊ သံတွဲမြို့တွင် သြဂုတ် ၂၆ ရက်တွင် ကျရောက်သည့် နိုင်ငံတော်ဘာသာနေ့ အခမ်းအနားကို လုံခြုံရေး တင်းကျပ်စွာ ကျင်းပခဲ့ရကြောင်း မြို့နယ် စည်းကမ်းထိန်းသိမ်းရေးနှင့် ကူညီစောင့်ရှောက်ရေး ရဟန်းတော်များအဖွဲ့၏ အတွင်းရေးမှူး ဆရာတော် အရှင်ကောသလ္လက မဇ္ဈိမကို မိန့်သည်။
၁၉၆၁ခုနှစ်၊ သြဂုတ် ၂၆ ရက်တွင် ထိုစဉ်က သမ္မတ မန်းဝင်းမောင်က ဗုဒ္ဓဘာသာကို နိုင်ငံတော်ဘာသာအဖြစ် သတ်မှတ်ကြောင်း ကြေညာခဲ့သည်ကိုယူ၍ သံတွဲမြို့တွင် ရဟန်းတော်များက ၅၂ နှစ်မြောက် နိုင်ငံတော်ဘာ သာနေ့ အထိမ်းအမှတ်အခမ်းအနားကို ကျင်းပခဲ့ခြင်းဖြစ်သည်။
“ဒီကနေ့ သံတွဲမှာကျင်းပတဲ့ နိုင်ငံတော်ဘာသာနေ့ ကျင်းပတဲ့နေရာမှာ လုံခြုံရေးတပ်ဖွဲ့ဝင်အင်အား တစ်ရာ ကျော် ချထားတာ တွေ့ရတယ်။ မတူကွဲပြားတဲ့ ဘာသာတွေကြားမှာ တင်းမာမှုတွေရှိနေတာမို့ ပွဲကျင်းပရာမှာ အနှောင့် အယှက် ဖြစ်မှာ စိုးရိမ်တာကြောင့်နဲ့ တူပါတယ်” ဟု အရှင်ကောသလ္လက ဆက်မိန့်သည်။
ပွဲတော်မကျင်းပမီ တစ်ရက်အလိုကလည်း သံတွဲမြို့ရှိ ဘာသာခြားများ၏ နေအိမ်များကို သာသနာ့အလံများ လိုက်လံ ထိုးစိုက်နေသည်၊ မြို့ပေါ်ရှိ ဘာသာခြားများကိုလည်း ရဟန်းတော်များက အတင်းအကျပ် ရဟန်းဝတ်ပေးနေသည် စသည်ဖြင့် ကောလာဟလများ ထွက်ပေါ်နေသဖြင့် ရဟန်းတော်များက ကြေ ညာချက်တစ်စောင်ကို ထုတ်ပြန်၍ ရှင်းလင်းခဲ့ရသေးသည်။
နိုင်ငံတော်ဘာသာနေ့တွင် သံတွဲတစ်မြို့နယ်လုံးမှ ရဟန်းတော် လေးရာကျော်နှင့် လူအင်အား သိန်းချီ၍ ပါဝင်ခဲ့သည် ဟု ဒေသခံတို့က ပြောသည်။
“နေ့လည် ၁ နာရီကနေ၂ နာရီထိ လေးမျက်နှာဓမ္မာရုံမှာ သံဃာတော်အပါး ၄၀၀ နဲ့ ကျင်းပခဲ့တယ်။ အဲဒီမှာရောက်ရှိလာတဲ့ ပုဂ်္ဂိုလ်တွေကို ငါးပါးသီလပေးပြီးတော့၊ ပရိတ်ကြီး ၁၁ သုတ်ကို ရွတ်ကြတယ်။၂နာရီ ကနေ ၄ နာရီခွဲ ထိ သံဃာတော်တွေ မြို့တွင်း လှည့်လည် ဆွမ်းခြောက်ခံတဲ့အခါ လမ်းတစ်လျှောက်မှာ သိန်းနဲ့ချီတဲ့ပြည်သူတွေက ၀မ်းပန်းတသာ လောင်းလှူကြတယ်” ဟု ရခိုင်လူမှုကွန်ရက်မှ ဦးမြင့်မိုးက ပြန်ပြောပြသည်။
သံဃာတော်များက ဆွမ်းဆန် လှည့်လည် အလှူခံရာတွင် ဘုရားဂုဏ်တော်၊ တရားဂုဏ်တော်၊ သံဃာ့ဂုဏ် တော်များ ကို ရွတ်ဖတ်ခဲ့ကြသေးသည်ဟုလည်း သူက ဆက်ပြောသည်။
အမြင်မတူသော လူအုပ်စုနှစ်ခုကြား တင်းမာမှုများကြောင့် သံတွဲမြို့တွင် ဇွန် ၂၉ ရက်မှစ၍ ညနေ ၇ နာ ရီမှ နံနက် ၇ နာရီထိ ညမထွက်ရအမိန့်ကို အာဏာပိုင်များက ထုတ်ပြန်ထားခဲ့သည်။

သုံးစွဲမှုများသည့်အချိန်တွင် ဖုန်းလိုင်းပြတ်တောက်ခြင်းဖြစ်ဟု မြန်မာ့ဆက်သွယ်ရေးပြော

သြဂုတ် ၂၇ ရက်တွင် ရန်ကုန်မြို့ရှိ ဂျီအက်စ်အမ်မိုဘိုင်းဖုန်းအသုံးပြုသူအများစု ဖုန်းလိုင်း ပြတ်တောက်မှုများ ဖြစ်ပေါ် ခဲ့ပြီး ယင်းသို့ဖြစ်ခြင်းမှာ သုံးစွဲမှုများသည့်အတွက် လိုင်းသုံးစွဲမှုကျပ်ခြင်းဖြစ်သည်ဟု မြန်မာ့ ဆက်သွယ်ရေး လုပ်ငန်း၊ မိုဘိုင်းဌာနမှ အင်ဂျင်နီယာမှူး ဦးအောင်ကျော်သက်က ပြောသည်။
ယင်းသို့ဖြစ်ပေါ်နေခြင်းကြောင့် မြန်မာ့ဆက်သွယ်ရေးလုပ်ငန်းမှ လိုအပ်သည့်ပြင်ဆင်မှုများ ပြုလုပ်နေခြင်းကို ဦးအောင်ကျော်သက်က “ဂျီအက်စ်အမ်ဖုန်းလိုင်းပြတ်တောက်မှုတွေကို မနက်ပိုင်းမှာ တစ်ကြိမ်၊ ညနေပိုင်းမှာ တစ်ကြိမ် ဖြစ်ပေါ်နေတာကို တွေ့ရပါတယ်။ အဓိက,ကတော့ ဖုန်းလိုင်းကျပ်တဲ့ အချိန်တွေမှာ အဖြစ်များပါတယ်။ အဲဒီကိစ္စနဲ့ပတ်သတ်ပြီး မြန်မာ့ဆက်သွယ်ရေးလုပ်ငန်းကနေ လိုအပ်ချက်တွေကို ပြင်ဆင်နေပါတယ်”ဟု သြဂုတ် ၂၇ ရက်က မဇ္ဈိမကို ပြောသည်။
ဖုန်းလိုင်းပြတ်တောက်မှုအတွက် လိုအပ်သည့်ပြင်ဆင်နေမှုများ ပြုလုပ်နေပြီး အမြန်ဆုံး ကောင်းမွန်ရန် ဆောင်ရွက် သွားမည်ဟုလည်း ၎င်းက ပြောသည်။
ဂျီအက်စ်အမ်ဖုန်းအသုံးပြုသူ ကုမ္ပဏီ ၀န်ထမ်းအမျိုးသမီးတစ်ဦးက “ ကျွန်မဖုန်းဆို မနေ့က (သြဂုတ် ၂၆ ရက်) ညပိုင်း ကတည်းက လိုင်းလုံးဝမမိပါဘူး။ ဒီမနက်တော့ လိုင်းမိတယ်။ ညနေပိုင်း (၄ နာရီ) ခန့်မှာတော့ ဖုန်းဆက်ရင် လိုင်းက ပြတ်လိုက် ပြန်ရလိုက် ဖြစ်နေပါတယ်”ဟု ဆိုသည်။
ယင်းသို့ဖုန်းလိုင်းပြတ်တောက်ခြင်းကို သြဂုတ် ၂၇ ရက်တွင် ဂျီအက်စ်အမ်ဖုန်းကိုင်ဆောင်သူ တော်တော်များများ ကြုံတွေ့ရကြောင်း အသုံးပြုသူများထံမှ သိရသည်။
WCDMA မိုဘိုင်းဖုန်း အသုံးပြုသူတစ်ဦးကလည်း “ကျွန်မဖုန်းဆို မနက်ပိုင်းကလည်း ခေါ်လို့မရပါဘူး။ ဆက်တဲ့ အချိန်မှာ ဆက်သွယ်မှုဧရိယာပြင်ပရောက်နေတယ်၊ ဖုန်းပိတ်ထားတယ်။ အဲဒီလိုပဲပြောနေ ပါတယ်။ ဖုန်းသုံးတာ များလာလို့ လိုင်းကျပ်တာဖြစ်မယ်ထင်ပါတယ်”ဟု ဆိုသည်။
မြန်မာ့ဆက်သွယ်ရေးလုပ်ငန်း၏ သြဂုတ်လအတွင်း ထုတ်ပြန်ချက်များအရ တစ်နိုင်ငံလုံးအတိုင်းအတာဖြင့် မိုဘိုင်းဖုန်းအသုံးပြုသူ ၅ ဒသမ ၂ သန်းရှိသည်ဟု သိရသည်။ ကျပ် ၁၅၀၀ တန် ဂျီအက်စ်အမ် မိုဘိုင်းဖုန်းများကို
မြန်မာ့ဆက်သွယ်ရေးလုပ်ငန်းက ဇူလိုင်လခွဲတမ်းတွင် စတင်ချထားပေးခဲ့ပြီး ရန်ကုန်တွင် ဂျီအက်စ်အမ်ဖုန်း ချပေးခဲ့ သည့် ခွဲတမ်းက ပိုများသည်။
ဆက်သွယ်ရေးအတွက် ဖုန်းလိုင်းများ တိုးချဲ့ရာတွင်လည်း ဂျီအက်စ်အမ်မိုဘိုင်းဖုန်းလိုင်းများကို အဓိက တိုးချဲ့နေ သည်ဟု မြန်မာ့ဆက်သွယ်ရေးလုပ်ငန်းက မဇ္ဈိမနှင့် အင်တာဗျူးတစ်ခုတွင် ဖြေကြားခဲ့ဖူးသည်။
မြန်မာတစ်နိုင်ငံလုံးရှိ ပြည်နယ်နှင့် တိုင်းဒေသကြီးအသီးသီးတွင် ဆက်သွယ်ရေးစခန်း ပေါင်း ၄၀၀ ခန့် ထပ်မံတိုးချဲ့ ဆောက်လုပ်သွားရန်အတွက်လည်း ဆက်သွယ်ရေးနှင့် သတင်းအချက်အလက် နည်းပညာ ၀န်ကြီးဌာနက ပြည်တွင်းပြည်ပမှ ပူးပေါင်းဆောင်ရွက် လုပ်ကိုင်မည့်ကုမ္ပဏီများကို သြဂုတ် ၂၂ ရက် က တင်ဒါ ခေါ်ယူထားသည်။
ဆက်သွယ်ရေးစခန်းများ တည်ဆောက်ရန် လိုအပ်သည့် ရေဒီယိုစခန်းတည်ဆောက်ရေးအတွက် အခြေခံ လုပ်ငန်းများ၊ နည်းပညာပိုင်းဆိုင်ရာအဆောက်အအုံတည်ဆောက်ခြင်း၊ တာဝါတိုင်များ တည်ဆောက်ခြင်း၊ Power System တည်ဆောက်ခြင်း၊ လေအေးပေးစက်များ ပေးသွင်းတပ်ဆင်ခြင်း၊ အဆင့်မြင့် မိုးကြိုးလွှဲစနစ် ပေးသွင်း တပ်ဆင်ခြင်း စသည့်လုပ်ငန်းများလုပ်ကိုင်ရန်အတွက် ကုမ္ပဏီများကို တင်ဒါခေါ်ယူခြင်းဖြစ်သည်။